As festas máis coñecidas xiran ó carón do Entroido, non en vano estamos moi próximos a Xinzo de Limia coas súas Pantallas; e a Laza cos seus Cigarros. Sarreaus é terra de Entroido.

O Vergalleiro é o protagonista, dono e señor nos días da festa que preceden a cuaresma. Este personaxe porta traxe formado por blusa de liño e chaleco negro de fletro, polainas con pompóns vermellos, faixa do mesmo cor con pompóns negros e unha cabeza que leva dibuxados motivos celtas. Na man cada Vergalleiro leva un corno que fai soar a medida que percorre as rúas, convidando a participar no entroido.

O día grande do Entroido neste Municipio é o domingo. Día tras día, está asegurado o mencer e tan só resta tempo para repoñer forzas co porco asado típico de Sarreaus.